Интернет-маркетинг деген не?

интернет маркетинг

Сонымен, интернет-маркетинг — интернет арқылы клиенттерге өнімді немесе қызметті сату.

Интернет-маркетингтің басты мақсаты – парақшаға кірген адамдарды сатып алушыға айналдыру және түсетін пайданы көбейту.

Тарихына тоқталатын болсақ, АҚШ-та 1992 жылы интернетті бақылауды жеке қолға бергеннен кейін, тұтынушылар мен интернет қызметтерін жеткізушілер тобы айтарлықтай кеңейіп, интернет желісі бүкіл әлем бойынша миллиондаған адамдар мен компьютерлерді байланыстырды. Сол жылы кітаптарды сатқан Чарльз Стектің алғашқы интернет-дүкені ашылды. 1994 жылы Amazonкомпаниясы ашылды, ол 1995 жылдың шілде айында интернет-дүкенін ашты. 1994 жылдың қазан айында «First Virtual» компаниясы интернет желісінде тауарларды төлеу бойынша қызметтерді ұсына бастады және бірінші электронды төлем жүйесі пайда болды. Бірнеше жыл өткеннен кейін 1996 жылы MasterCard және Visa SET деп аталатын пластикалық карталарды пайдалана отырып интернеттегі төлемдерді қорғауға арналған ашық, бірыңғай стандартты құру туралы жариялады. Біраз уақыттан кейін алғашқы іздеу жүйесі пайда болды.

Инвестициялардың табыстылығы артты, ал шығындар азайды. Маркетингтің бұл түрі заманауи капитализмнің негізі болды, ол идеясы, өнімі немесе қызметі бар кез келген адамға барынша кең аудиторияға жетуге мүмкіндік береді.

Интернет-маркетинг пен классикалық маркетинг арасында ерекшеліктер бар:

Интернет-маркетинг деген не?, изображение №1
Интернет-маркетинг деген не?, изображение №2

Интернет-маркетингтің классикалық маркетингтен 3 артықшылығы бар: 

  1. Интерактивтілік

Интернетте сіз аудиториямен тікелей байланыса аласыз, клиенттермен байланысып, ахуалды қадағалай аласыз.

2. Таргетинг

Бұл барлық аудиториядан мақсатты аудиторияны таңдауға және оған жарнаманы көрсетуге мүмкіндік беретін механизм.

3. Веб-аналитика

Бұл сайтқа кірген және сатып алған адамдарды қандай әрекеттер қызықтырғанын және қайсысы ең тиімді екенін түсінуге көмектеседі.

Интернет-маркетинг жүйесі мынадай элементтерді қамтиды:

· Медиялық жарнама

· Мәнмәтіндік жарнама

· Жалпы алғанда іздеу маркетингі және атап айтқанда, SEO

· Әлеуметтік желілерде алға жылжыту: SMO (сайтты әлеуметтік желілерге оңтайландыру) және SMM

· Электрондық поштаRSS және т.б. арқылы тікелей маркетинг.

· Вирустық маркетинг

· Партизандық маркетинг

· Интернет-брендинг

· Электрондық пошта маркетингі

· Мазмұнды маркетинг

Интернет-маркетингте сатылымның өсуі кірушілерді тартуға, сайттың тиімділігін арттыруға және клиенттерді қайтаруға негізделген. Бірақ клиенттерді тарту жеткіліксіз, сіздің бизнесіңізге пайда әкелетіндіктен, парақшаңызға кірген адамдардан клиент шығаруыңыз керек. Барлық осы тармақтарды сіздің интернет стратегияңыз ескеруі керек. 

Стратегиясыз бизнесті жүргізуге болады, алайда өсім болмайды. Егер сіз бизнесіңізді өсіруді және оның жарнамасына қаржы салуды жоспарласаңыз, онда сізде стратегия болуы керек. Оның болмауы хаотикалық және жүйесіз шығындарға әкеледі.

Стратегия – бұл мақсатқа қол жеткізуге әкелетін ұзақ мерзімді жоспар. Басқаша айтқанда, сату көлемін ұлғайтуға бағытталған іс-әрекеттер жоспары.

Интернет-маркетингтің мақсаты сату көлемінің артуы. Демек, интернет-маркетингтегі стратегияда компанияның табысын арттыру жөніндегі іс-әрекеттердің реттілігі, бірізділігі болуы тиіс.

Есте сақтаңыз! Стратегия бар болса, сатылымды автоматты түрде көтеретін және бизнесіңіздің бұрын-соңды болмаған биіктіктерге көтеретін сиқырлы таяқша емес. Барлығы іске асу үшін стратегия қадамдарының орындалуын сақтау қажет.

Кемшіліктер:

  1. Баяу интернет

Интернет-маркетингтегі шектеулер компаниялар мен тұтынушылар үшін проблемаларды тудырады. Егер тұтынушыда баяу интернет байланысы болса, ол анимациялық роликтердің, презентациялық фильмдердің және жоғары сапалы графиктердің жарнамада пайдалануына қиындықтарға әкеледі, дегенмен, бұл жылдамдық мәселесі – уақыттың еншісінде, күн сайын “баяу” пайдаланушылардың саны азайып келеді. Қоңырау шалудың орнын жылдам интернет алып жатыр.

2. Тауар сапасын алдын-ала біле алмау

Келесі кемшіліктердің бірі – интернет-маркетинг тұтынушы тауарды сатып алуға дейін оны тексеруге мүмкіндік бере алмайды. Бірақ тұтынушылардың көпшілігі бұл мәселені оңай шешеді. Олар өздеріне қызықты тауарды кәдімгі дүкенде қарап, интернет-дүкенде оны сатып алады. 

Тұтынушының тауарды ұстап көре алу мүмкіндігі жоқтығының мәселесін басқа тәсілдермен шешуге болады, мысалы, кейбір интернет-дүкендердің иелері сапасы және ажыратымдылығы жоғары фотосуреттерді қолдану арқылы өнімдердің барлық бөлшектерін және ерекшеліктерін көрсеткісі келеді. Интернет-дүкенде тұтынушыға тауарды оның барлық бұрыштарынан зерттеуге мүмкіндік беретін арнайы фото-техниканы қолданып, 3D форматындағы (көлемді суреттер) фотосуреттерді жасау танымал болып бара жатыр.

3. Қауіпсіздік мәселесі

Компанияларға және онлайн-бизнеске қатысатын тұтынушыларға қауіпсіздік мәселелері өте маңызды. Көптеген тұтынушылар интернетте тауарды сатып алудан қорқады, өйткені олар өздерінің жеке ақпараттарының құпия болып қала беруіне сенімді емес. Интернеттегі бизнеспен айналысатын компаниялар өздерінің клиенттеріне қатысты құпия ақпаратты жариялау барысында ұсталған жағдайлар бұрын болған. Олардың кейбіреулері тұтынушылар туралы ақпараттың құпиялылығына кепілдік беретіндігі туралы өз веб-сайттарында жариялаған. Өз клиенттері туралы ақпаратты сату арқылы олар тек мәлімдеген саясатын ғана емес, бірнеше мемлекеттердің заңдарын да бұзады.

Кейбір компаниялар тұтынушылар туралы ақпараттар сатып алып, содан кейін тұтынушыға дерекқордан осы ақпаратты ақша үшін алып тастауға ұсынады. Қалай болғанда да, көптеген тұтынушылар өздерінің жеке ақпараттарының жарияланып жатқанын білмейді және бұл ақпаратты ақылсыз компаниялар арасында алмасуға кедергі жасай алмайды.

Қауіпсіздік мәселесі интернеттегі бизнесте байыпты қарайтын компаниялар үшін басты мәселелердің бірі болып табылады. Шифрлау – бұл интернетте берілетін деректердің қауіпсіздігі мен құпиялылығын қамтамасыз ету үшін қолданылатын негізгі әдістердің бірі.

https://kk.wikipedia.org/wiki/Интернет-маркетинг

Добавить комментарий

Ваш адрес email не будет опубликован.